Tiranë - 29 Janar 2018 - Pranë ambienteve të INCA-s po zhvillohet takimi i katërt koordinues i Rrjetit për Mbrojtjen e Natyrës. Takimi ka si qëllim kryesor diskutimin e punës së rrjetit në kuadër të përfundimit të fazës së parë programit SENiOR-II dhe masat për mbylljen e tij, skemën e raportit përfundimtar, mbarëvajtjen e aktiviteteve të deritanishme, mbylljen në kohë të tyre si dhe diskutimin i aktiviteteve të Rrjetit në të ardhmen.
Adresimi i problematikave me cilat përballen Zonat e Mbrojtura si dhe promovimi i vlerave të këtyre zonave përmes zërit të shoqërisë civile dhe komunitetit lokal, është fokusi kryesor i këtij projekti. Ai ka si objektiv të përgjithshem të kontribojë në menaxhimin e qëndrueshëm të Zonave të Mbrojtura nëpërmjet forcimit të rolit aktiv dhe pjesëmarrës të Organizatave Mjedisore të Shoqërisë Civile.
Ky takim zhvillohet në kuadër të projektit "Promovimi dhe adresimi i përdorimit të qëndrueshëm të burimeve dhe vlerave natyrore në zonat e mbrojtura", pjesë e programit SENiOR-II Albania (Senior Albania), zbatuar nga REC Shqipëri, financuar nga qeveria suedeze (Embassy of Sweden in Tirana).