"Një e ardhme më e qëndrueshme për Evropën Jug-Lindore - Drejtimi Strategjik për IUCN në Evropën Juglindore", do të diskutohet nga 6-8 mars në Tiranë, Shqipëri, ku IUCN dhe partnerët e saj takohen për të përcaktuar qëllimet prioritare për rajonin dhe për të formuluar një program me efikas dhe rezultativ. Rezultatet paraprake të një studimi rajonal të vlerësimit të nevojave, kryer nga IUCN, do të paraqiten dhe të diskutohen në këtë takim.

Më shumë se 70 pjesëmarrës ishin në takimin e Atëtarëve të IUCN. Takimin e përshëndetën edhe Z. Fatmir Mediu, Ministër i Mjedisit, Pyjeve dhe Administrimit të Ujërave të Shqipërisë, Z. Massimo Gaiani Ambasador i Republikës Italiane në Shqipëri, Z. Ettore Sequi, Ambasador i Delegacionit të BE në Shqipëri, Z. Michael Hošek, Këshilltar i IUCN për Evropën Juglindore, Azinë Qëndrore dhe Veriore. Rreth 50 anëtare dhe partnere të IUCN dhe organizata të ndryshme do të ndjekin këtë takim, i cili mbahet pikërisht 10 vjet pas takimit të anëtarëve që inauguroi Zyrën e Programit të IUCN për Evropën Juglindore (IUCN SEE).

Takimi i anëtarëve të IUCN në Evropën Juglindore është bashkë organizuar nga zyra e IUCN për Evropën Juglindore, anëtarët e IUCN në Shqipëri - Instituti për Ruajtjen e Natyrës në Shqipërisë (INCA), Shoqata për Ruajtjen dhe Mbrojtjen e Mjedisit Natyror në Shqipëri (PPNEA) dhe Ministria e Mjedisit, Pyjeve dhe Administrimit të Ujërave të Shqipërisë, të mbështetur nga Fondacioni MAVA.

Më shumë informacion:

http://www.iucn.org/about/union/secretariat/offices/europe/about/places/belgrade/shaping_a_sustainable_ future_for_south_eastern_europe/

Në kuadër të projektit "Mbrojtja dhe menaxhimi i burimeve natyrore në bashkëpunim me autoritetet lokale dhe Organizatat e Shoqërisë Civile në Parkun Rajonal të Ulzës" financuar nga Programi i Granteve të Vogla të Komisionit për Demokraci të Ambasadës së Shteteve të Bashkuara të Amerikës në Tiranë, INCA organizoi në dt.22.Shkurt në Ulzë një seminar trainues mbi Planin e Menaxhimit të Parkut Rajonal Ulzë. Në seminar mori pjesë punonjës së Aministratës së Parkut, përfaqësues të Komunës Ulëz, Këshillit Komunal, specialistë pyjesh, OJF të ndryshme etj.

Më 9 nëntor në Tiranë, INCA në bashkëpunim me PPNEA, EDEN dhe Ekolevizja, organizoi workshopin"Ndikimet e ndërtimit hidrocentralet në lumenj". Workshopi u organizua në kuadër të projektit “Fushatë ndërgjegjësuese për ndërtimin e qëndrueshëm të hidrocentraleve në Shqipëri, në veçanti për lumin Osum” mbështetur nga WWF. Në këtë aktivitet morën pjesë rreth 40 të ftuar si të ftuar nga Komuna Vërtop, komunitetit lokal, OJF të qytetit të Berat, organizata të ndryshme të shoqërisë civile, studentë nga Universiteti Bujqësor i Tiranës, të Fakultetit të Inxhinierisë dhe nga Universiteti i Shkencave Sociale në Tiranë, ekspertë të fushës së mjedisit, media etj.

Ky projekt u zbatua nga 4 organizatat mjedisore në Tiranë: INCA, Ekolevizja, EDEN dhe PPNEA të cilat kanë ndarë përvojën e tyre me pjesëmarrësit në seminar.

Takimi i trete i aktoreve për hartimin e planit të menaxhimit për Peizazhin e Mbrojtur të Lumit Buna, u organizuar në Komunën Ana e Malit, me 6-8 Nëntor. Takimi, i organizuar në kuadër të projektit “Mbështetje institucionale për zonat e mbrojtura në Shqipëri” kishte si qëllim kryerjen e një analize sasiore dhe vlerësimi krahasues të opsioneve të mundshme të menaxhimit, bazuar në analizën cilësore të modelit të sistemit të krijuar në takimet e mëparshme, si dhe formulimin e masave kryesore të planit të menaxhimit për Peizazhin e Mbrojtur të Lumit Buna.

Nga 2 deri ne 3 Nëntor 2012 në Përmet, INCA në bashkëpunim me organizatat Med-INA, Pindos PERIVALLONTIKI dhe SHPP, organizoi takimin e dytë në kuadër të projektit "Vjosa/Aoos, lumi eko-muze; promovimi dhe mbrojtja e trashëgimisë natyrore dhe kulturore e basenit të lumit Vjosë/Aoos (VAEcoM)".

Takimi u përqëndrua në:

- Diskutimin rreth aktiviteteve dhe problematikave kryesore lidhur me zbatimin e projektit, veçanërisht në lidhje me skenaret dhe tematikat e shtigjeve/rrugëve të ekomuzeumit, ngritjen e rrjetit të operatoreve lokalë, aktivitetet për vizibilitetin e projektit, etj;

- Informimin dhe inkurajimin e pjesëmarrejs së komunitetit, dhe autoriteteve lokale, aktorëve dhe organizatave profesioniste të zonës në Projekt, si dhe në ideimin e ekomuzeumit;

- Promovimin e bashkëpunimit dhe krijimit të rrjetit të punës midis komunitetit lokal, aktorëve të interesuar dhe studiuesve të cilët do të jenë dhe bërthamë jetëdhënëse e ekomuzeumit;

- Vlerësimin e trashëgimisë kulturore dhe natyrore të rajonit me qëllim promovimin e tyre nëpërmjet ekomuzeumit; dhe

- Aprovimin e planit për periudhën në vazhdim si dhe diskutimin e çështjeve të tjera në lidhje me zbatimin e projektit.

Në periudhën 29-31 Tetor, INCA në bashkëpunim me eksperten e huaj znj. Madeleine Theochari, realizuan një sërë aktivitetesh për konsultimin dhe përfshirjen e aktoreve të ndryshëm në menaxhimin e integruar të zonës ndërkufitare të lumit Buna. Grupet kryesore të aktoreve të përfshirë ishin përfaqësuesit e pushtetit vendor, fermerët, bizneset turistike, peshkatarët, gjuetaret dhe shoqatat e ndryshme të zonës.

Diskutimi u përqëndrua kryesisht në vlerat kryesore të zonës, rreziqet që i kanosen atyre dhe mënyrat apo masat që duhen marre për parandalimin apo evitimin e këtyre rreziqeve për të garantuar një zhvillim te qëndrueshëm e të integruar te zonës

Në kuadër të projektit “Parqet e Harkut Dinarik”, në datë 12 tetor në ambientet e Hotel Vila Tafaj, INCA organizoi workshopin me temë “ Identifikimi i problemeve kryesore të zonave të mbrojtura në Shqipëri”.

Ky workshop kishte si qëllim identifikimin e problemeve dhe nevojave kryesore që kanë aktualisht Zonat e Mbrojtura në vendin tonë, renditjen e tyre sipas rëndësisë si dhe zgjidhjen e problemeve nisur nga ato më emergjente. Në workshop morën pjesë përfaqësues të MMPAU, përfaqësues të administrative të Zonave të Mbrojtura në Shqipëri, ekspertë të WWF, UNDP etj.

Në 10 Tetor, Drejtori i Zyrës së Kooperacionit Italian në Tiranë, Z. Andrea Senatori, kreu një vizite në Peizazhin e Mbrojtur të Lumit Buna. Z. Senatori, u takua me personelin e zonës së mbrojtur dhe diskutoi mbi aktivitetet për hartimin e planit të menaxhimit të zonës së mbrojtur në kuadër të projektit “Mbështetje institucionale për zonat e mbrojtura në Shqipëri", që zbatohet nga IUCN.

Ai u takua gjithashtu edhe me përfaqësues të komunave Velipoje, Dajç e Ana e Malit me të cilët diskutoi për mundësitë e reja për mbështetjen e aktivitetit të komunave drejt zhvillimit të qëndrueshëm.

Ashtu si është bërë tashmë traditë, edhe këtë shtator Tirana ju bashkua rreth 200 qyteteve Europiane në nismën “Në qytet pa makinën time”.

Aktivitetet e ndërmara në këtë kuadër konsistonin në promovimin e transportit publik dhe përdorimin e mjeteve alternative miqësore me mjedisin. Në këto aktivitete ndërgjegjësuese mori pjese edhe INCA me një stendë me materiale publicitare ndërgjegjësuese mbi edukimin mjedisor.

Nga data 6 deri 15 shtator 2012, ne Jeju te Koresë së Jugut zhvilloi punimet Kongresi për Ruajtjen e Botës i organizuar nga IUCN-ja. Në këtë Kongres mori pjesë edhe Presidenti i INCA-s Z. Zamir Dedej.

http://iucnworldconservationcongress.org/