Në datat 22-24 Shkurt 2012, u zhvillua në Dajç të Shkodrës takimi i dytë lokal për të prezantuar detajet e planit për zbatimin e projektit dhe objektivat kryesorë për përgatitjen e planit të menaxhimi gjithëpërfshirës për Peizazhin e Mbrojtur Tokësor dhe Ujor të Lumit Buna dhe zonave ligatinore përreth. Takimi i dytë synoi në vlerësimin e dinamikave kryesore të ruajtjes së ekosistemit dhe zhvillimit të komunitetit, të cilat karakterizojnë zonat e ekosistemit që sigurojnë shërbime social-ekonomike për përdoruesit e tij.

Takimi u organizua nga Zyra e Programit për Evropën Jug-Lindore të Unionit Ndërkombëtar për Ruajtjen e Natyrës – IUCN (International Union for the Conservation of Nature), në bashkëpunim me MMPAU dhe INCA, me mbështetjen financiare të Zyrës së Zhvillimit të Bashkëpunimit Italian (Italian Development Cooperation Office) të Ministrisë së Punëve të Jashtme të Italisë ne kuadër të zbatimit të projektit për fuqizimin e kapaciteteve institucionale dhe rritjen e kapaciteteve të stafit në nivel kombëtar dhe atë lokal për procesin e planifikimit dhe menaxhimit të zonave të mbrojtura.

Projekti i përbashkët i Këshillit të Europës dhe Bashkimit Europian kundër korrupsionit në Shqipëri, organizoi në datë 20 shkurt 2012, në mjediset e Hotel Tirana International, forumin e OJQ-ve mbi Planin e Veprimit Antikorrupsion 2011-2013 të qeverisë shqiptare. Forumi ofroi një mundësi për aktorët kryesore institucionalë të përfshirë në Planin e Veprimit – mekanizmi bashkërendues i qeverisë, ministritë e linjës, OJQ-të, organizatat ndërkombëtare dhe donatorë të tjerë, për të diskutuar mbi këtë plan veprimi si dhe monitorimin e zbatimit e tij. Në forum ishte e pranishnme edhe INCA e cila paraqiti problematikat e korrupsionit në fushën e mjedisit.

Në datë 1-2 Shkurt 2012, Dr Z. Dedej, si koordinator lokal dhe katër ekspertë, morën pjesë në takimin e mbajtur në Podgoricë me ekspertët malazezë mbi zhvillimin e planit të Integruar të Burimeve ujore administrim (IWRM) për Buna/Bojana Delta . Projekti synon të përgatisë, për herë të parë, një plan të integruar të pellgut lumor dhe mjedisit detar, duke u përpjekur për të bërë një përqasje të ndryshme për rezultatet përfundimtare. Projekti është në bashkëpunim të ngushtë me institucionet qeveritare përgjegjëse dhe autoritetet lokale.

Në kuadër të Partneritetit Strategjik për Ekosistemet e mëdha të Detit Mesdhe dhe në lidhje me komponentin rajonal për zhvillimin e planeve të Integruar për Menaxhimin e Burimeve Ujore (IWRM) për deltën e lumit Buna mbi bazën e udhëzimeve të Direktivës Kuadër të Ujit (WFD-Aneksi VII), Partneriteti Global i ujit të Mesdheut (GWP-MED), Programi i Veprimtarive Prioritare (PAP/RAC) të Programit të Veprimit Mesdhetar të UNEP (UNEP/MAP) dhe Programi Ndërkombëtar Hidrologjik i UNESCO-s (UNESCO-IHP), në bashkëpunim me organizatën INCA si koordinator lokal, organizuan një takim me të gjithë ekspertët e fushës.

Takimi u mbajt në ambjentet e INCA-s më 31 Janar. Në takim u diskutua mbi një sërë çështjesh si dhe në mënyrë të veçantë mbi identifikimin dhe grumbullimin e të dhënave, përcaktimin e presioneve dhe masat që duhet ndërmarrë. Fushat e ekspertizës janë hidrologjia, hidro-gjeologjia, cilësia e ujit, biodiversiteti, analiza të ndryshme, kuadri ligjor, aspektet socio-ekonomike, GIS dhe planifikimit hapësinor. Më 1-2 Shkurt një grup prej 4 ekspertësh të udhëhequr nga Presidenti i INCA-s, morën pjesë në takimin me të njëjtën temë që u mbajt në Podgoricë me ekspertët malazezë. Projekti synon të përgatisë për herë të parë një plan të integruar të këtij pellgu lumor dhe mjedisi detar. Projekti është në bashkëpunim të ngushtë me institucionet përgjegjëse qeveritare dhe autoritetet lokale.

Në datat 25-26 Janar, u zhvillua në Velipojë takimi i parë lokal për të prezantuar detajet e planit për zbatimin e projektit dhe objektivat kryesorë për përgatitjen e planit të menaxhimi gjithëpërfshirës për Peizazhin e Mbrojtur Tokësor dhe Ujor të Lumit Buna dhe zonave ligatinore përreth. Takimi u organizua nga Zyra e Programit për Evropën Jug-Lindore të Unionit Ndërkombëtar për Ruajtjen e Natyrës – IUCN (International Union for the Conservation of Nature), në bashkëpunim me MMPAU dhe INCA, me mbështetjen financiare të Zyrës së Zhvillimit të Bashkëpunimit Italian (Italian Development Cooperation Office) të Ministrisë së Punëve të Jashtme të Italisë ne kuadër të zbatimit të projektit për fuqizimin e kapaciteteve institucionale dhe rritjen e kapaciteteve të stafit në nivel kombëtar dhe atë lokal për procesin e planifikimit dhe menaxhimit të zonave të mbrojtura.

Në kuadër të projektit “Të mbështesim propozimin e Rezervës së Biosferës Ndërkufitare të zonës së Liqenit të Shkodrës, nëpërmjet metodave të pjesëmarrjes”, pjesë e programit IPA ndërkufitar Shqipëri-Mali i Zi (2007-2013), i financuar nga Bashkimi Europian, Instituti për Ruajtjen e Natyrës në Shqipëri (INCA) dhe Shoqata Green Home në Malin e Zi, në partneritet me Forumin Ndërkufitar të Liqenit të Shkodrës, organizuan ceremoninë përmbyllëse të këtij projekti. Koncepti i Rezervës së Biosferës, si një kategori zhvillimi të qëndrueshëm dhe mbrojtje të natyrës nga UNESCO, është një realitet tepër atraktiv sot me 580 zonat e njohura tashme në 114 vende në mbarë botën: dhe mbi të gjitha me një komunitet gjithnjë e më të madh specialistësh, shkencëtarësh, menaxherësh dhe komunitetesh lokale, që janë çdo ditë dëshmitarë të tyre. Rëndësi dhe domethënie kanë marrë së fundmi edhe zonat ndërkufitare ku konceptet dhe kriteret e rezervës së biosferës gjejnë zbatim më mirë. 

Ndër arritjet kryesore të projektit sipas aktiviteteve mund të numërohen;

•Eshtë krijuar Grupi i Punës për Rezervatin e Biosferës së Liqenit të Shkodrës si në Shqipëri ashtu edhe në Mal të Zi.

•Anëtaret e grupit të punës kanë firmosur një Memorandum Mirëkuptimi me qëllimin për të mbështetur përpjekjet për shpalljen e liqenit të Shkodrës si një Rezervat Ndërkufitar Biosfere (RNB).

•Një marrëveshje bashkëpunimi në kuadër të projektit është firmosur midis INCA-s dhe Ministrisë së Mjedisit, Pyjeve dhe Administrimit të Ujërave.

•Eshtë krijuar Komiteti Drejtues me përfaqësues nga anetarët e të dy grupeve të punës dhe vazhdon të funksionojë me takime periodike (deri me tash janë kryer 4 takime).

•Janë organizuar 4 takime të Grupit të Përbashkët të Punës ku janë diskutuar progresi i projektit, proçedurat që duhen ndjekur për shpalljen e Liqenit si RNB si dhe aktivitete të tjera të përbashkëta për të ardhmen.

•Ka përfunduar studimi bazë në shërbim të proçedurave për aplikim pranë UNESCO-s për shpalljen e Liqenit të Shkodrës si Rezervat Ndërkufitar i Biospherës. Studimi jep një informacion të plotë si dhe planin e aktiviteteve dhe proçedurave që duhen ndjekur për shpalljen e Liqenit të Shkodrës si një RNB.

•Eshtë përgatitur manuali trajnimit në tre gjuhë me ndihmën e një eksperti të huaj si një nga dokumentet më të rëndësishëm në aspektin e ngritjes së kapaciteteve në kuadër të objektivit që ka ky projekt.

Manuali është i ndarë në dy pjesë: në pjesën e parë prezantohet Programi “Njeriu dhe Biosfera” dhe pjesa e dytë e manualit është e strukturuar në 6 seksione të cilat i referohen koncepteve kryesore operacionale 1. Ndarja e vizioneve; 2. Hartimi i skenarëve; 3. Zonimi, 4. Financimi i një RNB; 5. Komunikimi; 6. Praktikat më të mira. 

•Eshtë organizuar kursi i trajnimit “Drejt shpalljes së Liqenit të Shkodrës si Rezervë Biosfere Ndërkufitare” me një program trajnimi 6-ditor i cili u zhvillua në dy sesione: një Trajnim Teknik tre ditor Shkodër dhe një Trajnim Shkëmbim Informacioni (tre ditor) në Podgoricë. Në përfundim të programit të trajnimit, aplikantët u pajisën edhe me një çertifikate të njohur dhe sigluar nga UNESCO. 

•Përveç marrjes së informacionit të përgjithshëm një pyetesor i plotë është shpërnadrë tek anëtarët e grupit të punës dhe aktorë të tjerë, dhe një tjetër do të shpërndahet pas aktivitetit trajnues në përfundim me qëllim vlerësimin e impaktit të projektit. 

•Janë kryer takime me Kryetarin e Bashkisë Shkodër, Kryetarin e Këshillit të Qarkut Shkodër si dhe Sekretariatin e UNESCO-s në Ministrinë e Punëve të Jashtme. 

•Eshtë zhvilluar një konferencë për shtyp në sallën e Qëndrës së Informacionit të BE-së në Shkodër.

•Në televizionin lokal TV1 Channel, është organizuar një program talk-show mbi projektin.

Nga 16-19 nëntor 2011, më shumë se 50 përfaqësues të organizatave qeveritare dhe joqeveritare u takuan në Ulqin të Malit të Zi për të diskutuar për të ardhmen e Green Belt në Evropën Jug-Lindore. Ky takim u organizua nga EuroNatur me mbështetjen e Ministrisë Federale Gjermane të Mjedisit, Mbrojtjes së Natyrës dhe Sigurisë Nukleare, Agjensisë Federale Gjermane të Mjedisit dhe Agjensisë Federale Gjermane për Mbrojtjen e Natyrës.

ETC/BD dhe Këshilli i Evropës organizoi seminarin "proceset emerald biogjeografike në Ballkanin Perëndimor – Seminai i dytë biogjeografik". Seminari përgatitor biogjeografik ku morën pjesë gjashtë vende të Ballkanit Perëndimor (Kroaci, Serbi, Bosnja e Hercegovina, Mali i Zi, Maqedonia dhe Shqipëria) u mbajt në Tivar, Mal të Zi, më 2-4 nëntor, 2011. Seminari është pjesë e zbatimit të fazës II të Rrjetit Emerald në vendet e Ballkanit Perëndimor 6.

Qëllimi i këtij procesi është për të vlerësuar nëse, në nivel biogjeografike, rrjetet e vendeve Emerald të propozuar nga çdo vend janë të mjaftueshme dhe për të adresuar nevojat e mëtejshëm për propozime të plota të rrjetit Emerald. Zonat duhet të konsiderohen të mjaftueshme, nëse ato sigurojnë mbrojtjen e duhur të habitateve dhe llojeve të listuara respektivisht në Rezolutat 4 (1996) dhe 6 (1998) të Konventës së Bernës. Ky është një hap i nevojshëm përpara se vendet mund të përcaktohen zyrtarisht si fusha me interes të Konservimit Special nga Komiteti i Përhershëm Konventën e Bernës. INCA ka marrë pjesë dhe kontribuar me dy ekspertë të saj Dr. Zamir Dedej dhe Dr. Genti Kromidha të cilët kanë punuar ngushtë për zbatimin e rrjetit Emerald në Shqipëri.

Në kuadër të projektit “Të mbështesim propozimin e Rezervës së Biosferës Ndërkufitare të zonës sëLiqenit të Shkodrës, nëpërmjet metodave të pjesëmarrjes”, pjesë e programit IPA ndërkufitar Shqipëri-Mali i Zi (2007-2013), i financuar nga Bashkimi Europian, Instituti për Ruajtjen e Natyrës në Shqipëri (INCA) dhe Shoqata Green Home në Malin e Zi, në partneritet me Forumin Ndërkufitar të Liqenit të Shkodrës, organizojnë një Kurs Trajnimi Teknik në datat 26-28 Tetor 2011 duke filluar nga ora 10:00 në ambientet e “Hotel Colosseo” në qytetin e Shkodrës.

Koncepti i Rezervës së Biosferës, si një kategori zhvillimi të qëndrueshëm dhe mbrojtje të natyrës nga UNESCO, është një realitet tepër atraktiv sot me 580 zonat e njohura tashme në 114 vende në mbarë botën: dhe – mbi të gjitha – me një komunitet gjithnjë e më të madh specialistësh, shkencëtarësh, menaxherësh dhe komunitetesh lokale, që janë çdo ditë dëshmitarë të tyre. Rëndësi dhe domethënie kanë marrë së fundmi edhe zonat ndërkufitare ku konceptet dhe kriteret e rezervës së biosferës gjejnë zbatim më mirë. 

Duke parë situatën në Liqenin e Shkodrës e cila ka një status mbrojtje që nuk po funksionon por që mund të adaptohet në një mënyrë më kreative, ka pasur që para disa vitesh një përpjekje për të filluar një rrugë të re, ajo për shpalljen si kategori e UNESCO-s. Për këtë arsye, Projekti “Mbështetje për rezervën e biosferës ndërkufitare përmes një qasjeje aktive, që propozohet për zonën e Liqenit të Shkodrës” dhe objektivi i tij kryesor për përgatitjen e dokumentacionit dhe punës fillestare për vendosjen e një rezerve të biosferës ndërkufitare për Liqenin e Shkodrës, duhet të konsiderohet me rëndësi kryesore strategjike për të dy vendet – Shqipërinë dhe Malin e Zi – dhe bashkëpunimin e tyre ndërkufitar, në kuadrin më të gjerë të integrimit rajonal. 

Trajnimi që po zhvillohet në Shkodër, drejtohet nga një ekspert i huaj, ka si objektiv kryesor të trajnimit përpjkejen që të ofrojë një pamje të përgjithshme të aspekteve të ndryshme të menaxhimit të rezervave të biosferës dhe të rezervave të biosferës ndërkombëtare, si dhe të angazhimit të grupeve kryesore të interesit, të përshtatura për nevojat e të dy vendeve që qarkojnë Liqenin e Shkodrës. 

Ky program trajnimi ofron një bazë njohurish për krijimin e koncepteve në nivel lokal dhe rajonal, si dhe të ekspertizës në shpalljen dhe menaxhimin e rezervave të biosferës. Manuali i trajnimit i përgatitur në këtë kuadër, gjatë hartimit të të cilit është mbajtur parasysh konteksti ndërkufitar, përmban elemente të veçanta të bashkëpunimit mes vendeve kufitare dhe sistemeve të përbashkëta të planifikimit. Mundësia e përdorimit afatgjatë të këtij Manuali në vende dhe zona të tjera të rajonit përreth, është dhe një nga objektivat e tjerë të ketij aktiviteti trajnues. Për këtë arsye, manuali është përshtatur që të vlejë për rrethana të ndryshme. 

Programi i trajnimit është parashikuar kryesisht për të plotësuar nevojat për trajnim në Shqipëri dhe Malin e Zi, si dhe dëshirën që ekziston në këto dy vende për të vendosur një rezervë të biosferës ndërkufitare në zonën e Liqenit të Shkodrës. Ky është një program intensiv për stafin e zonave të mbrojtura, konsumatorët kryesorë, punonjësit shtetërorë, organizatat e shoqërisë civile (CSOs) dhe specialistët. 

Programi i Trajnimit për Rezervën e Biosferës Ndërkufitare në Liqenin e Shkodrës, është një program gjashtëditor, që zhvillohet në dy vende: përkatësisht, njëri në Shqipëri dhe tjetri në Malin e Zi. Këto dy sesione janë planifikuar në datat 26-28 tetor (në Shkodër) dhe 9-11 nëntor (në Podgoricë). 

INCA (Instituti për Ruajtjen e Natyrës në Shqipëri), është një organizatë jo qeveritare. Ajo ka si qëllim kryesor të japë ndihmesën e saj në fushën e formimit profesional nëpërmjet trainimeve dhe proçesit të pjesmarrjes, në ruajtjen e mjedisit, në mbrojtjen e vlerave natyrore dhe zhvillimin rajonal, mbrojtjen e florës dhe faunës, vlerësimin e diversitetit biologjik, menaxhimin e zonave të mbrojtura, rritjen e ndërgjegjësimit të publikut dhe vendim marrësve politik, dhe të ndërmarrë masa mbrojtëse kur është e mundur dhe e nevojshme për mbrojtjen e llojeve dhe habitateve të tyre kritike. Detyra e Instititutit është gjithashtu të integrojë ruajtjen e natyrës dhe biodiversitetit me të gjithë çështjet e tjera ose fusha të shkencës që kanë një ndikim në burimet natyrore në vend. INCA është pjesë e proçesit të përmiresimit të legjislacionit dhe të problematikave të tjera të lidhura me ngritjen e kapaciteteve të institucioneve mjedisore Shqiptare si dhe integrimin Europian. 

Dr.Genti Kromidha mori pjesë në konferencën vjetore të EUROPARC 2011 të mbajtur në Bad Urach të Gjermanisë nga 21-25 Shtator 2011. Konferenca, e titulluar "Përfitimet për natyrën dhe njerëzit", dha mundësinë për të bërë një analizë të plotë se si janë të menaxhuara pasuritë natyrore dhe kulturore